RingoVet არის მობილური აპლიკაციის სახით არსებული პროექტი, რომელიც 3 ძირითად მიმართულებას მოიცავს.

 

პირველ რიგში ეს არის სასწრაფო, გადაუდებელი დახმარება შინაური ან მიუსაფარი ცხოველისათვის. აპლიკაციის მარტივი ინტერფეისის გამოყენებით, მომხმარებელს შეუძლია აპლიკაციაში შეიყვანოს მინიმალური საჭირო ინფორმაცია და გამოიძახოს ვეტერინარი. ექიმი, რომელიც ადგილზე მაქსიმუმ 30 წუთში მოვა, ცხოველს ჩაუტარებს საჭირო დახმარებას, საჭიროების შემთხვევაში შეამზადებს კლინიკაში გადასაყვანად.

 

ამასთანავე, აპლიკაციის საშუალებით შეგიძლია გაიმარტივო შინაურ ცხოველებზე ზრუნვა, აწარმოო დღიური, მიუთითო გაკეთებული და გასაკეთებელი აცრა, ვაქცინაცია, დამუშავება. დაგეგმო ვიზიტი ან ვიდეო კონსულტაცია პროფესიონალ ვეტერინარებთან. RingoVet-ის გუნდში მიგვაჩნია, რომ მიუსაფარ ცხოველებზე ზრუნვა ძალიან მნიშვნელოვანია. ჩვენი სხვადასხვა სერვისების მოხმარებიდან შემოსული თანხის 10 % მიუსაფარი ცხოველების ფონდში ირიცხება. ჩვენი მომხმარებელი კი ავტომატურად ხდება დონაციის და ამ უანგარო ზრუნვის თანამოზიარე.